Henkilöstömuutos

Teâđtep tuâjjlažmuttsin. Irene Fofonoff serdd jee´res tuõjju ska´mmmannust da tõ´nt sää´mǩiõllsaž kääzzkõõzz riâššmõ´šše šâdd kõhtt. Irenest lij mââimõs tuâjjpei´vv seärad da tõst son pää´cc luõvâsvuõ´tte.

”Ooudam jõnn ää´rv Uuvj tuõjju. Leäm vuäǯǯam kuullâd, ǥu leäk reäkkam nå´kam pe´ccel da tåå´šǩ, kook jeä´la ouddlest piâssâm åålǥas. Leäm vuäinam mõõn kõrrsânji da viiššlânji leäk tuärram saa´mi vuõiggâdvuõđi ou´dde. Leäm ku´vddlam tuu ǩiõččlâsttmõõžž minoriteett-stree´ssest. Leäm kuullâm mõõn täujja tu´st lij tobdd tõst, što jiõk leäkku nokk da kaallaš. Mu´vddem lij jie´llem, ǥu oummu jie leäkku vuäinam le´be ku´vddlâm tuu.

Leäm vuäinam ǥu leäk vuäǯǯam škooulpääi´ǩ le´be vääžnai tuâjjpääi´ǩ di kuullâm lekstummšin. Vuåǯǯum lee´d tuu paaldâst, ǥu miõllâd mättji ođđ juurdmaall. Leäp čee´estõõllâm da raajjâm ǩiõtt-tuâjaid õõutsââ´jest, mainstam mõõk ääšš lie vaiggâd saa´mid.

Spä´sseb tu´nne, ǥu leäk na´ddjõõttâm muu å´rra. Tuäivam, što jie´llmad jee´res paai´ǩin kaaunak tõid sami pue´rr eeu´n, mõõk lie ča´ppes da viõ´lǧǧes kõõskâst. Måtmešt lij vaiggâd vuâmmšed tõid leša kuuitâǥ puk tõk eeu´n lie ää´l to´ben.”

_______________

Tiedotamme henkilöstömuutoksesta. Irene Fofonoff siirtyy marraskuussa toisiin työtehtäviin, jonka vuoksi koltansaamenkielisen palvelun järjestämiseen tulee tauko. Irenen viimeinen työpäivä on keskiviikkona.

”Työ Uvjjissa on ollut minulle erityisen arvokasta. Olen saanut kuulla itkemätöntä surua ja kipua, nähnyt väsymätöntä taistelua oikeuksien toteutumisen eteen, kuunnellut kokemuksia vähemmistöstressistä, kuullut toistuvaa tunnetta riittämättömyydestä. Kuunnellut seurauksia siitä, kun ei ole tullut nähdyksi ja kuulluksi.

Olen nähnyt ilon opiskelupaikan tai merkityksellisen työn saamisesta sekä kuullut onnistumisen kokemuksista. Olen saanut olla rinnalla, kun mieli on oppinut uusia ajatusmalleja. Olemme juoneet teetä, tehneet yhdessä käsitöitä ja keskustelleet saamelaisten kipupisteistä.

Kiitos sinulle, kun olet luottanut juuri minuun. Toivon, että elämäsi eri tilanteissa löydät niitä upeita värisävyjä, joita on mustan ja valkoisen ympärillä. Sävyjä on välillä vaikeampi havaita, mutta aina ne ovat olemassa.”💛✨

Kiitos Irenelle näistä vuosista ja toivotamme onnea tulevaan!

15.10.2025